தொலைக்காட்சி தொகுப்பாளராக இருந்து தற்போது தமிழ் சினிமாவின் முன்னணி நத்திரமாக உயர்ந்து நிற்பவர் சிவகார்த்திகேயன்.தற்போது இவர் இன்று நேற்று நாளை இயக்குனர் ராம்குமாருடன் SK 14,இரும்புத்திரை இயக்குனர் PS மித்ரனுடன் ஹீரோ மற்றும் இயக்குனர் பாண்டிராஜுடன் நம்ம வீட்டு பிள்ளை ஆகிய படங்களில் நடித்து வருகிறார்.

பாண்டிராஜ் இயக்கத்தில் நடித்து வரும் படத்தை சன் பிக்சர்ஸ் நிறுவனம் தயாரிக்கிறது.இந்த படத்திற்கு இமான் இசையமைக்கிறார்.அணு இம்மானுவேல் இந்த படத்தில் கதாநாயகியாக நடிக்கிறார்.ஐஸ்வர்யா ராஜேஷ் ஒரு முக்கிய வேடத்தில் நடிக்கிறார்.

யோகிபாபு,சூரி,நடராஜன்,RK சுரேஷ்,பாரதிராஜா,சமுத்திரக்கனி,மீரா மிதுன் ஆகியோர் முக்கிய வேடங்களில் நடித்து வருகின்றனர்.நம்ம வீட்டு பிள்ளை என்று பெயரிடப்பட்டுள்ள இந்த படத்தின் Firstlook வெளியிடப்பட்டு நல்ல வரவேற்பை பெற்றிருந்தது.

தற்போது கிடைத்துள்ள தகவல் என்னவென்றால் இந்த படத்தின் இசை வெளியீட்டு விழா வரும் ஆகஸ்ட் 31ஆம் தேதி சென்னையில் உள்ள ஒரு தனியார் கல்லூரியில் நடைபெறும் என்று நம்பத்தக்க வட்டாரங்களிடம் இருந்து தகவல்கள் கிடைத்துள்ளன.

பேட்ட,சர்கார் படங்களின் இசைவெளியீட்டை போல இந்த இசை வெளியீட்டு விழாவையும் சன் பிக்சர்ஸ் நிறுவனம் பிரம்மாண்டமாக நடத்த திட்டமிட்டுள்ளனர் என்ற தகவலும் கிடைத்துள்ளது.இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.