ரஜினி, விஜயை தொடர்ந்து சூர்யா !

தமிழ் சினிமாவின் முடிசூடா மன்னர்களாக விளங்குபவர்கள் நடிகர் ரஜினி மற்றும் நடிகர் விஜய். இந்த இரண்டு நடிகர்களுமே சன் பிக்சர்ஸ் தயாரிப்பில் நடித்துவிட்டனர். இவர்களை தொடர்ந்து தற்போது நடிகர் சூர்யாவும் சன் பிக்சர்ஸ் தயாரிப்பில் நடிக்கவுள்ளார்.

விறுவிறுப்பாக கதை நகர்த்தி சிறந்த படங்களை தமிழ் சினிமாவிற்கு தருபவர் இயக்குனர் ஹரி. ஆறு, வேல், சிங்கம் 1,2,3 என நடிகர் சூர்யாவை வைத்து மாஸ் படங்களை தந்தவர், மீண்டும் சூர்யாவுடன் இணையப்போகிறார் என்ற செய்தி சினிமா வட்டாரங்களில் பேசப்பட்டு வருகிறது.

மேலும் இப்படத்தை சன் பிக்சர்ஸ் தயாரிக்க இருப்பதாகவும் செய்திகள் கூறப்படுகிறது. நடிகர் சூர்யாவுடன் இயக்குனர் ஹரி இணைவது ஆறாவது முறையாகும் என்பது கூடுதல் தகவல். சூர்யா-39 நிச்சயமாக மாஸாக இருக்கும் என்ற எதிர்பார்பில் உள்ளனர் சூர்யா ரசிகர்கள்.