இந்தியன் 2 படத்தில் இணைந்த பிரபல தமிழ் ஹீரோ !
By Sakthi Priyan | Galatta | January 18, 2019 16:34 PM IST
![இந்தியன் 2 படத்தில் இணைந்த பிரபல தமிழ் ஹீரோ ! - Tamil Movie Cinema News இந்தியன் 2 படத்தில் இணைந்த பிரபல தமிழ் ஹீரோ ! - Tamil Movie Cinema News](https://1480864561.rsc.cdn77.org/assets/news_images/sid-jpg-99073--2960.jpg)
உலகநாயகன் கமல்ஹாசன் நடித்து 22 ஆண்டுகளுக்கு முன்பு வெளியாகி வெற்றிகரமாக ஓடிய இந்தியன் படத்தின் இரண்டாம் பாகம் இப்போது தயாராகிறது. லைக்கா நிறுவனம் தயாரிப்பில் பிரம்மாண்ட இயக்குனர் ஷங்கர் இயக்கும் இப்படத்திலும் கமல்ஹாசன் முதியவராகவும், இளமை தோற்றத்திலும் இரு வேடங்களில் நடிக்கிறார். அனிருத் இசையமைக்கும் இப்படத்திற்கு காஜல் அகர்வால் முக்கிய பாத்திரத்தில் நடிக்கிறார்.
ஹாலிவுட் மேக்கப் கலைஞர்கள் சென்னைக்கு வந்து கமல்ஹாசனை வயதான தோற்றத்துக்கு மாற்றி மேக்கப் டெஸ்ட் மற்றும் படம் எடுத்தனர். அந்த தோற்றம் இப்போதும் அவருக்கு கச்சிதமாக பொருந்தி இருப்பதாக ஷங்கர் மகிழ்ச்சி தெரிவித்துள்ளார். நேற்று இப்படத்தின் முதல் லுக் வெளியானது. சேனாபதியை மீண்டும் கண்ட ரசிகர்கள் தெம்புடன் வரவேற்றனர்.
தற்போது இப்படத்தில் நடிகர் சித்தார்த் நடிக்கவிருப்பதாக கூறப்படுகிறது. ஏற்கனவே இப்படத்தில் நடிகர் STR இப்பாத்திரத்தில் நடிக்க இருந்ததாக கூறப்படுகிறது. படக்குழுவினர் தரப்பிலிருந்து அதிகாரப்பூர்வ அறிவிப்பு வரும் வரை காத்திருப்பது நலம்.