கலர்ஸ் தமிழ் தொலைக்காட்சியில் ஒளிபரப்பாகி வந்த முக்கிய மெகா தொடர்களில் ஒன்று திருமணம்.இந்த சேனலின் TRP ரேட்டிங் ஏறுவதற்கு முக்கிய காரணமாக இருந்தது இந்த தொடர். சித்தார்த் மற்றும் ஸ்ரேயா அஞ்சன் இந்த தொடரின் முதன்மை நடிகர்களாக நடித்து வந்தனர்.ரசிகர்களிடம் நல்ல ஆதரவை இந்த தொடர் பெற்றிருந்தது.

இந்த தொடரின் முதன்மை கேரக்டர்களான சந்தோஷ் மற்றும் ஜனனி ரசிகர்களிடம் அதீத வரவேற்பை பெற்றிருந்தது.இந்த இருவருக்கும் எக்கச்சக்கமான ரசிகர்கள் இந்த தொடரின் மூலம் கிடைத்துள்ளனர்.கொரோனாவை அடுத்து விறுவிறுப்பாக சென்று வந்த திருமணம் தொடர் நிறைவு பெற்றது.

இந்த தொடரின் மூலம் சித்து மற்றும் ஸ்ரேயா இடையே காதல் மலர்ந்தது விரைவில் இருவரும் திருமணம் செய்துகொள்ளவுள்ளனர்.சித்து விஜய் டிவியில் ஒளிபரப்பாகி வரும் ராஜா ராணி 2 தொடரில் ஹீரோவாக நடித்து வருகிறார்.ஸ்ரேயா அஞ்சன் விஜய் டிவியின் அன்புடன் குஷி தொடரில் தொடரின் ஹீரோயினாக நடித்து  வந்தார் இந்த தொடரும் சமீபத்தில் நிறைவுக்கு வந்தது.

இவற்றை தவிர சில ஆல்பம் பாடல்கள்,வெப் தொடர்கள் உள்ளிட்டவற்றில் இணைந்து நடித்து வந்தனர்.நீண்டநாட்களாக காதலர்களாக இருந்து வந்த இருவருக்கும் தற்போது திருமணம் கோலாகலமாக நடைபெற்று முடிந்துள்ளது.இதுகுறித்த போட்டோக்கள் மற்றும் வீடியோக்கள் வைரலாகி வருகின்றன.ரசிகர்களும் பிரபலங்களும் தங்கள் வாழ்த்துக்களை புது தம்பதிக்கு தெரிவித்து வருகின்றனர்.கலாட்டா சார்பாக சித்து ஸ்ரேயா தம்பதிக்கு வாழ்த்துக்களை தெரிவித்து கொள்கிறோம்