இந்திய சினிமாவின் மிகப்பெரிய உச்சம். தமிழ் சினிமாவின் பெருமை என்று பட்டியலிட்டு கொண்டே போகலாம். அத்தகைய மாபெரும் திரைப்பிரபலம் ரஜினி காந்த் அவர்கள். அன்று முதல் இன்று வரை என்றும் ரசிகர்களால் சூப்பர் ஸ்டார் என்று அழைக்கப்படும் திரைப்பிரபலம் ரஜினி காந்த். கருப்பு வெள்ளை காலத்தில் வில்லனாக அறிமுகமாகி ஆங்கங்கே குணசித்திரம் வேடம் ஏற்று நடித்த ரஜினிகாந்த் 80 களின் இறுதியில் மிகப்பெரிய ஆளுமையாக தமிழ் துறையில் வளர்ந்தார். பின் தொடர்ந்து உச்சம் தொட்டு தனது ரசிகர் எல்லையை உலகில் பல நாடுகளில் பரவ செய்தவர். எத்தனை இளம் நடிகர்கள் போட்டியில் நின்றாலும் தனித்து நிற்கும் ஆளுமையாக ரஜினிகாந்த் இன்று வரை இருந்து வருகிறார். அதன்படி இதுவரை 169 திரைப்படங்களில் நடித்துள்ளார். இதில் பெரும்பாலான திரைப்படங்கள் உலகெங்கிலும் சூப்பர் டூப்பர் ஹிட் அடித்த படம் என்பது குறிப்பிடத்தக்கது. ரஜினி திரைப்படம் என்றாலே ஒரு குதூகலிப்பு ரசிகர்களுடன் உருவாகி விடும். மேலும் வெளியாகும் நாள் திருவிழா கொலாமாக காட்சியளிக்கும் ரசிகர்களின் கொண்டாட்டங்களுக்கு தீனி போடும் படமாக ரஜினி படம் இருக்கும் என்பது காலம் தொற்றே ஒரு நம்பிக்கை இருந்து வருகிறது.
இந்நிலையில் ரஜினியின் அடுத்த படமான ‘தலைவர் 170’ படத்தை பிரபல தயாரிப்பு நிறுவனமான லைகா நிறுவனம் தயாரிக்கின்றது. மேலும் இப்படத்தை மக்கள் மத்தியில் மிகப்பெரிய அளவு வரவேற்பு பெற்று பாராட்டுகளை பெற்ற ‘ஜெய் பீம்’ படத்தின் இயக்குனர் த.செ.ஞானவேல் இயக்குகின்றார். இப்படத்திற்கு அனிரூத் இசையமைக்கிறார். மேலும் இந்த திரைப்படம் அடுத்த ஆண்டு வெளியாகும் என்று அறிவித்துள்ளது.
இது குறித்து, லைகா வெளியிட்டுள்ள அறிவிப்பில்,
"லைகா குழுமத் தலைவர் திரு. சுபாஸ்கரன் அவர்கள் பிறந்தநாளில் "சூப்பர் ஸ்டார்" திரு-ரஜினிகாந்த் அவர்களின் "#தலைவர்170" திரைப்படத்தின் அறிவிப்பை அனைவருடனும் பகிர்ந்து கொள்வதில் பெருமகிழ்ச்சி அடைகிறோம். லைகா புரொடக்ஷன்ஸ் நிறுவனத்தின் மற்றுமொரு பெருமைமிகு தருணம் இது. தலைமுறைகள் கடந்து திரை ரசிகர்களை மகிழ்வித்து மகிழ்கின்ற "சூப்பர் ஸ்டார்" திரு.ரஜினிகாந்த் அவர்களின் #தலைவர் 170" திரைப்படத்தின் பணிகள் இனிதே ஆரம்பம். இயக்குநர் திரு.த.செ.ஞானவேல் இயக்கத்தில், இசைவழி நம் இதயங்களை இணைக்கும் திரு.அனிருத் இசையில், பிரம்மாண்டமான திரைப்படங்களைப் படைத்தளிக்கும் திரு. சுபாஸ்கரன் தயாரிப்பில், லைகா புரொடக்ஷன்ஸ் தலைமைப் பொறுப்பாளர் திரு. வி.கே.எம். தமிழ் குமரன் அவர்களின் தலைமையில், "#தலைவர் 170" திரைப்படம் 2024-ம் ஆண்டு திரைக்கு வரும் என்பதை மகிழ்ச்சியுடன் தெரிவித்துக் கொள்கிறோம். சூப்பர் ஸ்டார் அவர்களின் ஒவ்வொரு திரைப்பட வெளியீடும், ரசிகர்கள் கொண்டாடும் திருவிழாதான். அவருடன் மீண்டும் இணைவதில் லைகா புரொடக்ஷன்ஸ் பெருமிதம் கொள்கிறது. அனைவரின் வாழ்த்துகளோடு 2024-ல் மாபெரும் கொண்டாட்டத்திற்குத் தயாராவோம். நன்றி!!!” என்று தெரிவித்துள்ளனர். இதனையடுத்து ரசிகர்கள் அப்பதிவை வைரலாக்கி வருகின்றனர்.
We are feeling honoured to announce our next association with “Superstar” @rajinikanth 🌟 for #Thalaivar170 🤗
— Lyca Productions (@LycaProductions) March 2, 2023
Directed by critically acclaimed @tjgnan 🎬 Music by the sensational “Rockstar” @anirudhofficial 🎸
🤝 @gkmtamilkumaran
🪙 @LycaProductions #Subaskaran#தலைவர்170 🤗 pic.twitter.com/DYg3aSeAi5
ஏற்கனவே ரஜினிகாந்த் லைகா நிறுவனம் சார்பில், 'எந்திரன் 2.0', 'தர்பார்' ஆகிய படங்களில் கூட்டணி அமைத்திருந்தார் என்பது குறிப்பிடத்தக்கது. தற்போது ரஜினிகாந்த் இயக்குனர் நெல்சன் திலீப் குமார் இயக்கத்தில் நடிக்கும் திரைப்படம் ‘ஜெயிலர்’. சன் பிக்சர்ஸ் தயாரிப்பில் அனிரூத் இசையமைக்கும் இப்படத்தின் முன்னோட்டம் வெளியாகி மிகப்பெரிய வரவேற்பை பெற்றது. மிகபிரமாண்டமாக உருவாகி வரும் இப்படத்தில் இதுவரை மலையாள நடிகர் மோகன் லால், கன்னட நடிகர் சிவராஜ் குமார், தெலுங்கு நடிகர் சுனில் மற்றும் இந்தி நடிகர் ஜாக்கி ஷெராப், நடிகை தமன்னா நடிக்கின்றனர். மேலும் இவர்களுடன் வசந்த் ரவி, யோகி பாபு, விநாயகன், ரம்யா கிருஷ்ணன் உள்ளிட்டோர் நடித்து வருகின்றனர். விறுவிறுப்பாக நடைபெற்று வரும் இப்படம் இந்த ஆண்டு இறுதியில் வெளியாகும் என்று எதிர்பார்க்கப்படுகிறது.
