தமிழ் சினிமாவில் முன்னணி நடிகர்களில் ஒருவராக திகழ்ந்து வருபவர் சிவகார்த்திகேயன்.டாக்டர்,அயலான் உள்ளிட்ட படங்களில் தற்போது நடித்துள்ளார்.இதனை தொடர்ந்து இவர் நடிக்கும் டான் படத்தை அறிமுக இயக்குனர் சிபி சக்கரவர்த்தி இயக்குகிறார்.

நெல்சன் இயக்கத்தில் உருவாகி வரும் டாக்டர் படத்திற்கு அனிருத் ரவிச்சந்தர் இசையமைக்கிறார்.இந்த படத்தை சிவகார்த்திகேயனின் SK ப்ரொடுக்ஷன்ஸ் மற்றும் KJR ஸ்டுடியோஸ் நிறுவனங்கள் இணைந்து தயாரித்துள்ளனர்.யோகி பாபு,வினய்,டோனி,ஜாரா அர்ச்சனா,வினய்,தீபா உள்ளிட்ட நட்சத்திரங்கள் முக்கிய வேடங்களில் நடித்துள்ளனர்.

பிரியங்கா மோகன் இந்த படத்தில் ஹீரோயினாக நடித்துள்ளார்.இந்த படத்தின் மூலம் இவர் தமிழில் ஹீரோயினாக அறிமுகமாகிறார்.இந்த படம் அக்டோபர் 9ஆம் தேதி திரையரங்குகளில் வெளியாகி பெரிய வரவேற்பை பெற்று வருகிறது.பலரும் இந்த படத்தினை பாராட்டி வருகின்றனர்.

படம் நெடுக காமெடி காட்சிகள் நிறைந்த படமாக டாக்டர் ரசிகர்களை அசத்தி வருகிறது.படத்திற்கு பெரிய வரவேற்பு கிடைத்ததை அடுத்து ரசிகர்களுக்கு நன்றி தெரிவித்து சிவகார்த்திகேயன் ஒரு பதிவு செய்துள்ளார்.படத்திற்கு பெரிய வரவேற்பு அளித்த ரசிகர்கள் மற்றும் பத்திரிகை நண்பர்களுக்கு நன்றி தெரிவித்து இவர் பதிவிட்டுள்ள ஒரு வீடியோ ரசிகர்கள் மத்தியில் வைரலாகி வருகிறது.