சன் டிவியில் TRP-யை அள்ளிக்குவித்து வரும் வரும் பிரபல தொடர்களில் ஒன்று ரோஜா.ப்ரியங்கா நல்காரி இந்த தொடரில் ஹீரோயினாக நடித்து வருகிறார்.சிபு சூரியன் இந்த தொடரின் நாயகனாக நடித்து வருகிறார்.வடிவுக்கரசி,ஷாமிலி சுகுமார்,பாண்டியன் ஸ்டோர்ஸ் வெங்கட் உள்ளிட்ட பல நட்சத்திரங்கள் முக்கிய வேடங்களில் நடித்துள்ளனர்.

இந்த தொடரில் முன்னணி வேடங்களில் நடித்து வரும் ப்ரியங்கா மற்றும் சிபு சூரியன் இருவருக்கும் பெரிய ரசிகர் பட்டாளமே உள்ளது.கொரோனாவுக்கு பிறகு இந்த தொடர் தொடங்கப்பட்டு விறுவிறுப்பாக சென்று வருகிறது.யாஷிகா ஆனந்த் கொரோனாவுக்கு பிறகு வந்த சில எபிசோடுகளில் சிறப்பு தோற்றத்தில் வந்து சென்றார்.

பல சுவாரசிய திருப்புமுனைகளுடன் இந்த தொடர் விறுவிறுப்பாக சென்று வருகிறது.கடந்த பல வாரங்களாக TRP-யில் முதல் இடத்தையும் பிடித்து அசத்தி வருகிறது.இந்த தொடர் சமீபத்தில் 800 எபிசோடுகளை கடந்து புதிய சாதனையை படைத்தது.தற்போது இந்த தொடரின் நாயகன் சிபு சூர்யன் பிரபல நாளிதழ் ஒன்றிற்கு அளித்த பேட்டியில் ரோஜா தான் தனது கடைசி தொடராக இருக்கும் என்றும் அடுத்ததாக ஒரு படத்தில் ஹீரோவாக நடித்து வருவதாகவும் தெரிவித்துள்ளார்.ஒரு இளம்குழுவுடன் பணிபுரிவதாகவும் இந்த படம் குறித்த தகவல்களை வெகு விரைவில் வெளியிடுவதாகவும் அவர் தெரிவித்துள்ளார்.