தர்பார் படத்தை தொடர்ந்து ரஜினிகாந்த், சிறுத்தை சிவா இயக்கத்தில் நடித்து வருகிறார். இந்த படத்தை சன் பிக்சர்ஸ் நிறுவனம் தயாரிக்கிறது. இந்த படத்தின் டைட்டில் விரைவில் வெளியாகும் என்று எதிர்பார்க்கப்படுகிறது. ஹைதராபாத்தில் இதன் முதற் கட்ட படப்பிடிப்பு நடந்து வருகிறது. 

இந்த படத்தின் மூலம் சிறுத்தை சிவா முதன் முறையாக சூப்பர்ஸ்டார் ரஜினியுடன் கூட்டணி சேர்ந்துள்ளார். தற்காலிகமாக தலைவர் 168 என அழைக்கப்பட்டு வருகிறது. வெற்றி ஒளிப்பதிவு செய்யும் இந்த படத்திற்கு இமான் இசையமைக்கிறார். 

படத்தில் நடிகர் சூரி, பிரகாஷ் ராஜ், மீனா மற்றும் குஷ்பு இணைந்துள்ளனர் என்ற அதிகாரப்பூர்வ செய்தி சன் பிக்சர்ஸ் வாயிலாக வெளியானது. படத்தில் முக்கிய ரோலில் நடிக்கும் கீர்த்தி சுரேஷ் சமீபத்தில் சிறந்த நடிகைக்கான தேசிய விருதை பெற்றார். இதனை கொண்டாடும் வகையில் தலைவர் 168 படப்பிடிப்பு தளத்தில் கீர்த்தி சுரேஷுக்கு கேக் வெட்டினர் படக்குழுவினர். சூப்பர்ஸ்டாரிடமிருந்து வாழ்த்து பெற்ற மகிழ்ச்சியில் உள்ளார் நடிகை கீர்த்தி சுரேஷ்.