தளபதி விஜய் குறித்து மனம்திறந்த பீஸ்ட் பட நாயகி !

தமிழ் சினிமாவின் வசூல் சக்கரவர்திகளில் ஒருவர் தளபதி விஜய்.லோகேஷ் கனகராஜ் இயக்கத்தில் இவர் நடித்த மாஸ்டர் படம் கடந்த பொங்கலுக்கு திரையரங்குகளில் வெளியாகி நல்ல வரவேற்பை பெற்றது.கொரோனவை தொடர்ந்து வெளியான மாஸ்டர் படம் வசூலிலும் சாதனை படைத்தது.இதனை தொடர்ந்து தனது 65ஆவது படத்தில் நடித்து வந்தார் விஜய்.

இந்த படத்தினை சன் பிக்சர்ஸ் தயாரிக்கின்றனர்.இந்த படத்தை கோலமாவு கோகிலா மற்றும் டாக்டர் படங்களின் இயக்குனர் நெல்சன் இயக்குகிறார்,அனிருத் இந்த படத்திற்கு இசையமைக்கிறார்.இந்த படத்தில் பூஜா ஹெக்டே ஹீரோயினாக நடிக்கிறார்.செல்வராகவன்,யோகி பாபு,மலையாள நடிகர் டாம் சாக்கோ,அபர்ணா தாஸ் உள்ளிட்டோர் முக்கிய வேடங்களில் நடிக்கின்றனர்.

இந்த படத்தின் முதற்கட்ட படப்பிடிப்பு Gerogia-வில் விறுவிறுப்பாக நடைபெற்று முடிந்தது.கொரோனாவால் இந்த படத்தின் படப்பிடிப்பு தடைபட்டது.சில மாதங்களுக்கு முன் இந்த படத்தின் படப்பிடிப்பு தொடங்கி விறுவிறுப்பாக நடைபெற்று வருகிறது.இந்த படத்தில் விஜயுடன் முதல்முறையாக ஜோடி சேர்ந்துள்ளார் பூஜா ஹெக்டே.

தளபதியுடன் நடித்த அனுபவம் குறித்து இவர் சமீபத்தில் ஒரு விழாவில் பேசியுள்ளார்.விஜயுடன் நடித்தது மிக்க மகிழ்ச்சி எவ்வளவு பெரிய நடிகராக இருந்தாலும் அனைவரையும் ஒரே மாதிரி நடத்துவார் மிகவும் எளிமையான மனிதர் என தெரிவித்துள்ளார்.மேலும் அவருடன் நடனமாடியது எப்படி இருக்கிறது என்று ரசிகர்கள் தான் படம் பார்த்துவிட்டு சொல்லவேண்டும் என்று தெரிவித்துள்ளார்.