ரசிகர்களை ஈர்க்கும் ஓ மணப்பெண்ணே படத்தின் ட்ரைலர் !

By Aravind Selvam | Galatta | October 12, 2021 17:18 PM IST

2016-ல் தெலுங்கில் விஜய் தேவர்கொண்டா,ரித்து வர்மா நடிப்பில் வெளியாகி சக்கைபோடு போட்ட திரைப்படம் pelli choopulu.தருண் பாஸ்கர் இயக்கத்தில் வெளியான இந்த படம் ரசிகர்கள் மற்றும் விமர்சகர்கள் மத்தியில் நல்ல வரவேற்பை பெற்றது.இந்த படத்தின் தமிழ் ரீமேக் உரிமையை கெளதம் மேனன் 2016-ல் கைப்பற்றி அவரே தயாரித்து வெளியிட திட்டமிட்டிருந்தார்.

பொன் ஒன்று கண்டேன் என்று பெயரிடப்பட்டிருந்த இந்த படத்தில் விஷ்ணு விஷால் ஹீரோவாகவும் தமன்னா ஹீரோயினாகவும் நடிக்கவிருந்தனர்.பின்னர் சில காரணங்களால் இந்த படம் கைவிடப்பட்டு,ரீமேக் உரிமையும் கைமாற்றப்பட்டது.A Studios LLP, A Havish Production, SP Cinemas, Madhav Media and Third Eye Entertainment இணைந்து இந்த படத்தின் ரீமேக் உரிமையை பெற்றனர்.

ஓ மணப்பெண்ணே என்று பெயரிடப்பட்டுள்ள இந்த படத்தினை அறிமுக இயக்குனர் கார்த்திக் சுந்தர் இயக்கியுள்ளார்.ஹரிஷ் கல்யாண் இந்த படத்தின் ஹீரோவாக நடித்துள்ளார்.ப்ரியா பவானி ஷங்கர் இந்த படத்தின் ஹீரோயினாக நடித்துள்ளார்.மேலும் பல நட்சத்திங்கள் முக்கிய வேடங்களில் நடித்துள்ளனர்.

இந்த படம் டிஸ்னி ஹாட்ஸ்டாரில் நேரடியாக அக்டோபர் 22ஆம் வெளியாகும் என்று அறிவிக்கப்பட்டுள்ளது.இந்த படத்தின் ட்ரைலர் தற்போது வெளியிடப்பட்டுள்ளது.கலக்கலான இந்த ட்ரைலர் ரசிகர்கள் மத்தியில் நல்ல வரவேற்பை பெற்று வருகிறது.இந்த ட்ரைலரை கீழே உள்ள லிங்கில் காணலாம்