காக்க காக்க படத்தின் மூலம் இயக்குனராக அறிமுகமாகி தொடர்ந்து தனது வித்தியாசமான திரைப்படங்களின் மூலம் ரசிகர்களின் இதயங்களில் நீங்கா இடம் பிடித்தவர் கெளதம் மேனன்.கடைசியாக இவர் இயக்கத்தில் எனை நோக்கி பாயும் தோட்டா படம் ரிலீசானது.

இதனை தொடர்ந்து வேல்ஸ் இன்டர்நேஷனல் பிலிம்ஸ் தயாரிப்பில் வருண் நடிக்கும் ஜோசுவா என்ற படத்தை கெளதம் மேனன் இயக்குகிறார்.மறைந்த முதல்வர் ஜெயலலிதாவின் வாழ்க்கை வரலாற்றை மையமாக வைத்து கெளதம் மேனன் இயக்கிய குயின் திரைப்படம் நல்ல வரவேற்பை பெற்றது.

கடந்த மாதம் த்ரிஷாவுடன் கெளதம் மேனன் வீடியோ கால் செய்யும் வீடியோ ஒன்று வெளியானது.இது எதாவது படம் குறித்த அறிவிப்பாக இருக்கலாம் என்று ரசிகர்கள் ஆவலுடன் இருந்தனர்.தற்போது ஒரு டீசரை வெளியிட்டுள்ளனர்.கார்த்திக் டயல் செய்த எண் என்று பெயரிடப்பட்டுள்ள இந்த குறும்படத்தை கொரோனா நேரத்தில் உருவாக்கியுள்ளனர்.விண்ணைத்தாண்டி வருவாயா படத்தின் தொடர்ச்சி போல இந்த குறும்படம் தெரிகிறது.இந்த குறும்படத்தின் டீசரை கீழே உள்ள லிங்கில் காணலாம்