மீண்டு வந்தார் சூரியாவின் வில்லன் ! சூடுபிடிக்கும் காப்பான் ஷூட்டிங்

லைக்கா தயாரிப்பில் கே.வி.ஆனந்த் இயக்கத்தில் சூர்யா நடித்து வரும் படம் காப்பான். இப்படத்தில் நடிகர் சூர்யாவுடன் நடிகை சயீஷா மற்றும் பிரேம், சமுத்திரக்கனி, பூர்ணா, போமன் இரானி, ஆர்யா நடிக்கின்றனர். மேலும் மலையால சூப்பர் ஸ்டாரான மோகன்லால் அவர்களும் சூர்யாவுடன் இணைந்து நடிக்கின்றனர். 

சூர்யாவின் மாஸான கெட்டப் கொண்ட டீஸர் அனைவரையும் ஈர்த்து வருகிறது. படத்தின் வில்லன் சிராக் ஜானி G எனும் குஜராத்தி படத்தில் நாயகனாக நடிக்கும்போது அடிபட்டதாக சமீபத்தில் தகவல் வெளியானது. வரும் ஜூன் 29-ம் தேதியிலிருந்து காப்பான் ஷூட்டிங் துவங்கவுள்ளதென நெருங்கிய சினிமா வட்டாரம் மூலம் தகவல் வெளியானது. அதில் வில்லன் சிராக் ஜானி கலந்துகொள்வார் என்று தெரியவந்தது.

ஆகஸ்ட் மாதம் 30-ம் தேதி வெளியாகவிருக்கும் இந்த படத்திற்கு மிகுந்த எதிர்பார்ப்பு உள்ளது. சூரரைப் போற்று படத்தை தவிர்த்து, இயக்குனர் சிவா இயக்கவிருக்கும் படத்திலும் சூர்யா நடிக்கவுள்ளார்.