அரிமா நம்பி,இருமுகன் உள்ளிட்ட படங்களை இயக்கி வெற்றிகரமான இயக்குனராக அவதரித்தவர் ஆனந்த் ஷங்கர்.வித்தியாசமான திரைக்கதை கொண்ட இந்த இரண்டு படங்களுமே ரசிகர்கள் மத்தியில் நல்ல வரவேற்பை பெற்று ஹிட் அடித்திருந்தது.

அடுத்ததாக விஜய் தேவர்கொண்டா நடிப்பில் உருவான நோட்டா படத்தினை இயக்கியிருந்தார் ஆனந்த் ஷங்கர்.இந்த படம் சுமாரான வரவேற்பை பெற்றிருந்தது,இதனை தொடர்ந்து விஷால் மற்றும் ஆர்யா இணைந்து நடிக்கும் எனிமி படத்தினை இயக்கியுள்ளார்.

மினி ஸ்டுடியோ சார்பாக வினோத் குமார் இந்த படத்தினை தயாரித்துள்ளார்.மிர்னாலினி ரவி,மம்தா மோகன்தாஸ்,பிரகாஷ்ராஜ் உள்ளிட்ட நட்சத்திரங்கள் முக்கிய கதாபாத்திரத்தில் நடித்துள்ளனர்.தமன் இந்த படத்திற்கு இசையமைத்துள்ளார்.சாம் சி எஸ் இந்த படத்திற்கு பின்னணி இசை அமைத்துள்ளார்.

இந்த படம் தீபாவளியை முன்னிட்டு நவம்பர் 4ஆம் தேதி திரையரங்குகளில் வெளியாகி நல்ல வரவேற்பை பெற்றுள்ளது.இந்த படத்தின் சூப்பர்ஹிட் பாடலான டும் டும் பாடல் வீடீயோ ரசிகர்களிடம் பெரிய வரவேற்பை பெற்றுள்ளது.இந்த பாடல் வீடியோ தற்போது 100 மில்லியன் பார்வையாளர்களை பெற்று புதிய சாதனை படைத்துள்ளது.