தள்ளிபோகிறதா பிக்பாஸ் 3 ! விஜய் டிவி விளக்கம்
By Aravind Selvam | Galatta | May 22, 2019 17:12 PM IST
சமீபத்தில் ஒளிபரப்பட்ட தமிழ் நிகழ்ச்சிகளில் மக்களின் மனம் கவர்ந்த ஒரு நிகழ்ச்சி பிக்பாஸ்.இரண்டு சீசனும் பெரிய வெற்றியை பெற்றதோடு நல்ல TRPயையும் பெற்றது.இந்த இரண்டு சீசனையும் கமல்ஹாசன் தொகுத்து வழங்கினார்.கமல்ஹாசனின் அரசியல் வசனங்களுக்கு மக்கள் மத்தியில் நல்ல வரவேற்பு இருந்தது.
இரண்டு சீசனில் பங்குபெற்ற போட்டியாளர்களும் மக்கள் மத்தியில் நல்ல பிரபலமாகி விட்டனர்.முதல் இரண்டு சீசன்களை அடுத்து மூன்றாவது சீசனையும் கமல்ஹாசன் தான் தொகுத்து வழங்குவார்.இந்த ப்ரோமோக்கள் வெளியிடப்பட்டு மக்களிடம் நல்ல வரவேற்பை பெற்றுள்ளது.
பிக்பாஸ் 3வது சீசன் ஜூன் 2ஆம் வாரம் தொடங்கும் என்று எதிர்பார்க்கப்படுகிறது.அனால் இந்த மாத இறுதியில் கிரிக்கெட் உலகக்கோப்பை தொடர் துவங்கி ஜூலை 14 வரை நடைபெறவுள்ளது.இதனால் பிக்பாஸ் நிகழ்ச்சி தள்ளிப்போகிறது என்ற செய்தி சமூகவலைத்தளங்களில் பரவி வந்தது.
இந்த செய்தி உண்மையா என்பதை அறிய விஜய் டிவி வட்டாரங்களை தொடர்பு கொண்டோம்.அப்போது அவர்கள் இந்த செய்து முற்றிலும் பொய்யானது என மறுத்துவிட்டனர்.விரைவில் பிக்பாஸ் நிகழ்ச்சி தொடங்கும் தேதி குறித்த அதிகாரபூர்வ அறிவிப்பு வெளியாகும் என்றும் தெரிவித்துள்ளனர்.
