ஜெய்யின் அதிரடியான சிவ சிவா டீசர் இதோ!!

தமிழ் சினிமாவின் முன்னணி இளம் நடிகர்களில் ஒருவரான நடிகர் ஜெய் நடிப்பில் அடுத்தடுத்து பிரேக்கிங் நியூஸ், எண்ணித்துணிக, குற்றமே குற்றம் மற்றும் இயக்குனர் சுந்தர்.சி-யின் தயாரிப்பில் இயக்குனர் பத்ரி இயக்கத்தில் உருவாகும் புதிய படம் என வரிசையாக பல திரைப்படங்கள் தயாராகி வருகின்றன.

அந்தவகையில் அடுத்ததாக இயக்குனர் சுசீந்திரன் இயக்கத்தில் உருவாகியுள்ள சிவ சிவா படத்தில் நடிகர் ஜெய் கதாநாயகனாக நடித்துள்ளார். சிவசிவா திரைப்படத்தில் நடிகை மீனாட்சி கோவிந்தராஜன் கதாநாயகியாக நடித்திருக்கிறார் . மேலும் காளி வெங்கட் மற்றும் பாலசரவணன்  ஆகியோர் முக்கிய கதாபாத்திரங்களில் நடித்துள்ளனர். 

சிவ சிவா திரைப்படத்தை தனது முதல் படமாக எல்என்டி ஸ்டுடியோ சார்பில்  தயாரிப்பாளர் எஸ்.ஐஸ்வர்யா தயாரிக்கிறார்.நடிகர் ஜெயின் 30வது திரைப்படமாக தயாராகும் சிவசிவா திரைப்படத்திற்கு இசையமைப்பதன் மூலம் இசையமைப்பாளராக புதிய அவதாரம் எடுத்துள்ளார் நடிகர் ஜெய்.

முன்னணி ஒளிப்பதிவாளரான R.வேல்ராஜ் ஒளிப்பதிவு செய்ய காசிவிசுவநாதன் படத்தொகுப்பு செய்துள்ளார். இந்நிலையில் சிவசிவா திரைப்படத்தின் டீசர் இன்று வெளியானது. நடிகர் ஜெய்யின் அதிரடியான இந்த டீசர் ரசிகர்கள் மத்தியில் நல்ல வரவேற்பைப் பெற்றுள்ளது. அந்த டீசரை கீழே உள்ள லிங்கை காணலாம்.
 

Read Also

ஹர்பஜன் சிங்-அர்ஜுன் படத்தின் ரிலீஸ் குறித்த முக்கிய தகவல்!!!