வலிமை படத்தின் மாஸ் அப்டேட் ! கொண்டாடும் தல ரசிகர்கள்
By Sakthi Priyan | Galatta | March 03, 2021 09:37 AM IST
![வலிமை படத்தின் மாஸ் அப்டேட் ! கொண்டாடும் தல ரசிகர்கள் - Tamil Movie Cinema News வலிமை படத்தின் மாஸ் அப்டேட் ! கொண்டாடும் தல ரசிகர்கள் - Tamil Movie Cinema News](https://1480864561.rsc.cdn77.org/assets/news_images/valimaidp_1614749097.jpg)
வினோத் இயக்கத்தில் அஜித்தின் 60-வது படமாக உருவாகி வருகிறது வலிமை. போனி கபூர் தயாரிக்கும் இந்தப் படத்துக்கு நீரவ் ஷா ஒளிப்பதிவு செய்ய யுவன் சங்கர் ராஜா இசையமைக்கிறார். அதிரடி ஆக்ஷன் காட்சிகளுடன் உருவாகி வரும் இத்திரைப்படத்தில் அஜித் ஈஸ்வரமூர்த்தி ஐபிஎஸ் என்ற காவல்துறை அதிகாரி கதாபாத்திரத்தில் நடித்து வருகிறார்.
ஒரு வருடத்திற்கும் மேலாக படப்பிடிப்பு நடைபெற்று வரும் நிலையில் படத்தின் டைட்டில் வலிமை என்பதைத் தவிர படத்தை பற்றிய எந்த ஒரு அறிவிப்பும் வெளியாகாததால் ரசிகர்கள் அதிருப்தி அடைந்தனர். படக்குழு சரியான நேரத்தில் அறிவிப்பு வரும் என்று தெரிவித்திருந்தாலும் பிரதமர் தொடங்கி, முதல்வர், விளையாட்டு பிரபலங்கள் என பலரிடமும் அப்டேட் கேட்டு வருகின்றனர் அஜித்தின் தீவிர ரசிகர்கள்
இதையடுத்து விரைவில் படத்தின் ஃபர்ஸ்ட் லுக் போஸ்டர் வெளியிடப்படும் என தயாரிப்பாளர் போனி கபூர் தெரிவித்தார். அதேபோல் இசையமைப்பாளர் யுவன் சங்கர்ராஜா அஜித்தின் ஓபனிங் பாடலை முடித்திருப்பதாகவும், விக்னேஷ் சிவன் எழுதியிருக்கும் அந்தப் பாடல் குத்துப் பாடலாக அமைந்திருப்பதாகவும் ஒடிசாவிலிருந்து ட்ரம்ஸ் கலைஞர்களை அழைத்து வந்து பணியாற்றி இருப்பதாகவும் தெரிவித்தார்.
அஜித் ரசிகர்கள் தொடர்ந்து வலிமை அப்டேட் கேட்டு வரும் நிலையில், சமீபத்தில் நேர்காணல் ஒன்றில் கலந்து கொண்ட இசையமைப்பளார் யுவன்சங்கர் ராஜாவிடம் வலிமை அப்டேட் குறித்து கேள்வி எழுப்பப்பட்டது.
அதற்கு அவர் பதிலளிக்கையில், படத்தின் பாடல் பணிகள் நடைபெற்று வருகின்றன. மோஷன் போஸ்டர் உருவாக்கம் உள்ளிட்ட ப்ரோமோஷன் பணிகள்தான் இனி நடைபெற உள்ளன எனக் கூறினார். இத்தகவலைக் கேட்டு உற்சாகமான அஜித் ரசிகர்கள், சமூக வலைதளங்களில் இதை ட்ரெண்ட் செய்யும் வேலையில் இறங்கியுள்ளனர்.
[BREAKING NEWS] 📢
"We Are Rapidly Working On THALA AJITH's #Valimai Movie Promotion's And Motion Poster is Getting Ready" 💥
- Says YuvanShankarRaja 🥁#ValimaiMotionPoster pic.twitter.com/tWP8MmPlNa— AJITHKUMAR FANS CLUB (@TeamThalaFC) March 2, 2021
Disappointing news for Cook with Comali fans - actress apologizes to fans!
03/03/2021 10:00 AM
Namitha's daring stunts for Bow Wow | Mass action scene shooting stills
02/03/2021 07:21 PM