சிவாங்கிக்கு சிவகார்த்திகேயன் கொடுத்த ஸ்வீட் ரிப்ளை !

தொலைக்காட்சி தொகுப்பாளராக இருந்து தற்போது தமிழ் சினிமாவின் முன்னணி நட்சத்திரமாக உயர்ந்து நிற்பவர் சிவகார்த்திகேயன்.கடைசியாக பி.எஸ்.மித்ரன் இயக்கத்தில் வெளியான ஹீரோ படத்தில் நடித்திருந்தார்.இதனை தொடர்ந்து இன்று நேற்று நாளை இயக்குனர் ரவிகுமாருடன் அயலான்,கோலமாவு கோகிலா இயக்குனர் நெல்சன் திலீப்குமாருடன் டாக்டர் உள்ளிட்ட படங்களில் நடித்துள்ளார்.

இதில் டாக்டர் படத்தின் ரிலீஸ் கொரோனாவால் தள்ளிப்போயுள்ளது.அயலான் படத்தின் போஸ்ட் புரொடக்ஷன் வேலைகள் நடைபெற்று வருகின்றன.இவற்றை அடுத்து இவர் நடிக்கும் அடுத்த படத்தை லைகா ப்ரொடக்ஷன்ஸ் மற்றும் சிவகார்த்திகேயன் ப்ரொடக்ஷன்ஸ் இணைந்து தயாரிக்கின்றனர்.இந்த படத்தை அறிமுக இயக்குனர் சிபி சக்ரவர்த்தி இயக்குகிறார்.

அனிருத் இந்த படத்திற்கு இசையமைக்கிறார்.இந்த படத்திற்கு டான் என்று படக்குழுவினர் பெயரிட்டுள்ளனர்.இந்த படத்தில் ஹீரோயினாக டாக்டர் படத்தில் சிவகார்த்திகேயனுக்கு ஜோடியாக நடித்த பிரியங்கா மோகன் நடிக்கிறார்.எஸ்.ஜே.சூர்யா,சமுத்திரக்கனி,சூரி,முனீஸ்காந்த்,காளி வெங்கட்,பாலா சரவணன்,RJ விஜய்,சிவாங்கி உள்ளிட்டோர் முக்கிய வேடங்களில் நடிக்கின்றனர்.

கொரோனா காரணமாக தள்ளிப்போன இந்த படத்தின் ஷூட்டிங் விறுவிறுப்பாக நடைபெற்று வருகிறது.இந்த படத்தின் பாடல் ஷூட்டிங் தாஜ்மஹாலில் நடைபெற்று வருகிறது இதுகுறித்த சில புகைப்படங்களை படக்குழுவினர் பகிர்ந்துள்ளனர்,இதில் இயக்குனர் சிபி பகிர்ந்து பதிவிற்கு கீழ் சிவகார்த்திகேயன் அவரை கலாய்த்து ஒரு கமெண்டை பதிவிட்டுள்ளார் அதோடு சிவாங்கியும் தன்னை விட்டுச்சென்று விட்டனர் என்று பதிவிட அதற்கும் சிவகார்த்திகேயன் நிறைய போட்டோ எடுத்துருக்கேன் வந்து காட்றேன் என்று ஜாலியாக தெரிவித்துள்ளார்.

Read Also

விஜய் சேதுபதியின் துக்ளக் தர்பார்!!-புதிய ரிலீஸ் ப்ரோமோ இதோ!!