சின்னத்திரையில் தெய்வமகள் என்ற தொடரின் மூலம் பெண்கள் மற்றும் இளைஞர்களின் இதயத்துடிப்பாக மாறியவர் வாணி போஜன்.சினிமாவில் நடிப்பதே தன்னுடைய இலக்கு என்று தெரிவித்து வந்தார்.தெய்வமகள் சீரியல் முடிந்த பிறகு பல பட வாய்ப்புகள் வந்தாலும் சரியான படத்தின் மூலம் அறிமுகமாக வேண்டும் என்று காத்திருந்தார்.

விஜய் தேவரகொண்டா தயாரிப்பில் தெலுங்கில் இவர் நடித்த படம் வெளியாகி நல்ல வரவேற்பை பெற்றிருந்தது.இதனை தொடர்ந்து அசோக் செல்வன்,ரித்திகா சிங் நடித்த ஓ மை கடவுளே படத்தின் மூலம் தமிழில் அறிமுகமானார்.படத்தில் இரண்டாவது ஹீரோயினாக நடித்தாலும் இவரது காதாபாத்திரத்துக்கு ரசிகர்கள் மத்தியில் நல்ல வரவேற்பு கிடைத்தது.

கார்த்திக் சுப்புராஜ் தயாரிப்பில் ஜெய் மற்றும் வாணி போஜன் நடிப்பில் உருவாகி வந்த ட்ரிபிள்ஸ் வெப் சீரிஸ் டிஸ்னி ப்ளஸ் ஹாட்ஸ்டாரில் வெளியாகி நல்ல வரவேற்பை பெற்றிருந்தது.வைபவ் ஹீரோவாக நடித்துள்ள லாக்கப் படத்திலும் வாணி போஜன் ஹீரோயினாக நடித்திருந்தார்.இந்த படம் நேரடியாக OTT-யில் வெளியாகி நல்ல வரவேற்பை பெற்றிருந்தது.இதனை தொடர்ந்து சில படங்களில் ஹீரோயினாக நடித்து வருகிறார்.

இந்த படத்தின் வெற்றியை தொடர்ந்து மீண்டும் வைபவ் மற்றும் வாணி போஜன் இணைந்து ஜீ 5 தளத்திற்கு ஒரு படம் நடித்துள்ளனர்.இந்த படத்தினை மொழி உள்ளிட்ட பல வெற்றிப்படங்களை இயக்கிய ராதா மோகன் இயக்கியுள்ளார்.இந்த படத்திற்கு மலேஷியா டூ அம்னீஷியா என்று பெயரிட்டுள்ளனர்.இந்த படம் மே 28ஆம் தேதி முதல் ஜீ5 தளத்தில் வெளியாகவுள்ளது.இந்த படத்தின் செம ரகளையான ட்ரைலர் தற்போது வெளியிடப்பட்டுள்ளது.ரசிகர்களிடம் நல்ல வரவேற்பை பெற்று வரும் இந்த ட்ரைலரை கீழே உள்ள லிங்கில் காணலாம்