சன் டிவியில் ஒளிபரப்பான செம ஹிட் தொடர்களில் ஒன்று கோலங்கள்,தேவயாணி ஹீரோயினாக நடித்த இந்த தொடர் பலரது Favourite தொடராக இன்றும் இருந்து வருகிறது.1500 எபிசோடுகள் வெற்றிகரமாக தனது ஒளிபரப்பை செய்தது இந்த தொடர்.

இந்த தொடரை திருச்செல்வம் இயக்கியிருந்தார்.மெட்டிஒலி தொடரில் உதவி இயக்குனராக இருந்து அந்த தொடரில் ஒரு சிறிய வேடத்திலும் நடித்திருந்தார் திருச்செல்வம்.இதனை தொடர்ந்து இவர் இயக்கிய கோலங்கள் தொடர் பெரிய வெற்றியை பெற்றது.இந்த தொடரிலும் நடித்து அசத்தியிருப்பார் திருச்செல்வம்.

இதனை தொடர்ந்து சித்திரம் பேசுதடி,மாதவி,பொக்கிஷம் உள்ளிட்ட சூப்பர்ஹிட் தொடர்களை இயக்கியிருந்தார்.சில வருடங்களுக்கு பிறகு புதிய சீரியல் ஒன்றை திருச்செல்வம் இயக்குகிறார் என்ற தகவல் கிடைத்துள்ளது.

இவர் அடுத்ததாக சன் டிவியில் ஒளிபரப்பாகவுள்ள சிங்கப்பெண்ணே என்ற தொடரை இயக்கவுள்ளார் என்ற தகவல் சில நாட்களுக்கு முன் கிடைத்தது.தற்போது இந்த தொடரில் வரலாறு,எதிரி உள்ளிட்ட படங்களில் நடித்த கனிகா நாயகியாக நடிக்கிறார் என்ற தகவல் கிடைத்துள்ளது.