தமிழ் சினிமாவின் முன்னணி தயாரிப்பாளராகவும் நடிகராகும் தொடர்ந்து நல்ல படைப்புகளை வழங்கி வரும் உதயநிதி ஸ்டாலின் நடிப்பில் கடைசியாக வெளிவந்த நெஞ்சுக்கு நீதி திரைப்படம் ரசிகர்கள் மத்தியில் நல்ல வரவேற்பைப் பெற்றதோடு அனைவராலும் பாராட்டப்பட்டது.
அடுத்ததாக இயக்குனர் மாரி செல்வராஜ் இயக்கத்தில் மாமன்னன் திரைப்படத்தில் உதயநிதி ஸ்டாலின் கதாநாயகனாக நடிக்கிறார். மேலும் ஃபகத் பாசில், கீர்த்தி சுரேஷ், வைகைபுயல் வடிவேலு ஆகியோர் இணைந்து முன்னணி கதாபாத்திரங்களில் நடிக்கும் மாமன்னன் படத்திற்கு இசைப்புயல் ஏ.ஆர்.ரஹ்மான் இசையமைக்கிறார்.
இந்த வரிசையில் அடுத்ததாக முன்னணி இயக்குனர் மகிழ்திருமேனி இயக்கத்தில் உதயநிதி ஸ்டாலின் புதிய படத்தில் நடிக்கவுள்ளதாக முன்பே அறிவிப்புகள் வெளியான நிலையில், இன்று ஜூலை 25-ம் தேதி இத்திரைப்படத்தின் டைட்டில் வெளியானது. கலகத்தலைவன் என பெயரிடப்பட்டுள்ள இப்படத்தில் உதயநிதி ஸ்டாலின் உடன் இணைந்து நிதி அகர்வால் கதாநாயகியாக நடிக்கிறார்.
ரெட் ஜெயன்ட் மூவிஸ் தயாரிப்பில் உருவாகும் கலகத்தலைவன் படத்திற்கு ஸ்ரீகாந்த் தேவா மற்றும் அரோல் கொரேலி இணைந்து இசையமைக்கின்றனர். இந்நிலையில் சற்று முன்பு கலகத்தலைவன் திரைப்படத்தின் டைட்டில் மற்றும் மோஷன் போஸ்டர் வெளியாகி பலரது கவனத்தையும் ஈர்த்துள்ளது. அந்த மோஷன் போஸ்டர் இதோ…
The title of @Udhaystalin & #MagizhThirumeni next is #Kalagathalaivan
— Red Giant Movies (@RedGiantMovies_) July 25, 2022
Here’s the first look - https://t.co/hU5HWj6Emf @AgerwalNidhhi @MShenbagamoort3 #RArjunDurai @teamaimpr @SonyMusicSouth