இந்திய சினிமாவில் தன் நடிப்பினால் அனைத்து மொழி ரசிகர்களையும் கவருபவராய் இருப்பவர் கிங் கான் ஷாருக்கான் திரையில் தோன்றும் போது அழகான உடல் மொழிகளுடன், காதல் காட்சிகளில் அவரது முக பாவனைகளையும் ரசித்து வளர்ந்த கூட்டம் ஒருபுறம் இருந்தாலும் ஷாருக் கானின் கட்டுடல் தோரணைக்கும் ஆக்ஷன் காட்சிகளுக்கு தனி ரசிகர் பட்டாளம் இன்றும் பரவலாக இருந்து வருகிறது. அதனாலே அவர் இந்தியர் அனைவராலும் 'கிங் ஆப் பாலிவுட்' என்று அழைக்கப்படுகிறார்.
ஷாருக்கானின் பதான் திரைப்படம் படம் விரைவில் திரையில் வெளிவரவிருக்கும் நிலையில் அவரது மற்றொரு படத்தை தமிழில் தொடர் வெற்றிகளை கொடுத்து தளபதி விஜயின் விருப்பமான இயக்குனர் அட்லி இயக்கி வருகிறார். மிகப்பெரிய பொருட்செலவில் உருவாகி வரும் இப்படத்தில் நயன்தாரா, யோகி பாபு, பிரியாமணி நடித்து வருகிறார். இந்த படத்திற்கு இசையமைக்கிறார் ராக்ஸ்டார் அனிரூத். மேலும் படத்தில் சிறப்பு தோற்றத்தில் நடிகர் விஜய் நடிக்கவுள்ளதாக பல இடங்களில் தகவல் பரவி வருவது குறிப்பிடத்தக்கது.
இந்நிலையில் ஷாருக் கான் ட்விட்டர் கணக்கை தொடங்கி 13 ஆண்டுகள் நிறைவடைந்த நிலையில் ரசிகர்களுக்கு நன்றி தெரிவித்து பதிவிட்டார்.
அதில் "ட்விட்டரில் 13 வருடங்கள் என்பதை உணர்ந்தேன். ரசிகர் மன்றத்தினர் மற்றும் மக்கள் நீங்கள் அனைவரும் என்னை மிகவும் நேசிப்பது மகிச்சியாக உள்ளது. இதில் உங்களின் வாழ்த்துகள், பரிந்துரைகள், மீம்ஸ்கள், ரீ-எடிட்ஸ்கள், எதிர்பார்ப்புகள், அறிவுரைகள் மற்றும் சில விரும்பத்தகாத நடத்தைகள் என எல்லாமே கலந்திருக்கிறது. உங்கள் அனைவருக்கும் நிஜ உலகில் நல்ல வாழ்க்கை அமைய எனது வாழ்த்துக்கள்”
இதையடுத்து #AskSrk என்ற ஹேஷ்டேக் மூலம் ரசிகர்கள் எழுப்பும் கேள்விகளுக்கு பதிலளித்து வந்தார். அதில் விஜய் ரசிகர் ஒருவர் விஜய் புகைப்படத்தை பதிவேற்றி அதனுடன் "இவரைப்பற்றி கூறுங்கள்" என்று கேட்டிருந்தார். அதற்கு "அவர் மிகவும் இனிமையானவர், அமைதியானவர், எனக்கு அருமையான இரவு உணவு விருந்தளித்து உபசரித்தார்" என தன்மையுடன் பதிலளித்துள்ளார்.
He is too sweet and quiet. Fed me lovely dinner also…. https://t.co/Q1lcohsnYo
— Shah Rukh Khan (@iamsrk) January 4, 2023
இதனால் விஜய் ரசிகர்கள் உற்சாகத்தில் அந்த பதிவை பகிர்ந்து வருகின்றனர்.